اذا أعطتك الحياة شجرة موز ...فاصنع بها كعكة.... ؟؟؟؟؟

أيوه كعكة موز...ماهو مش هيبقى عندك شجرة موز و تعمل كعكة كافيار و العياذ بالله.....المقولة دى بفكر نفسى بيها على طول...قيس بقه عليها موز برتقال ليمون اى حاجه...دى حكمة كبيرة مغزاها هو الرضا... و استغلال اى حاجه ربنا وهبهالنا......حواسنا امكانياتنا ايا كانت بسيطه ممكن نعمل بيها حاجه...أنا لا أجيد الوعظ و لا أتحمله...بس أنا بوعظ نفسى و لو وصلكم معنى اللى أقصده و حسيتوه جربوه و شجعوا بعض عليه....انهارده أول تحدى للنادى...نادى ايه؟؟ هنقول تانى...ده نادى الكترونى ...تجمع للناس اللى بتحب تخبز و بتحب المطبخ بصفة عامه...المكان ده متنفس لناس كتيره عايزة تشغل نفسها و تشجع نفسها و تحسن من اداءها فى امور كتير....المكان ده حافز لينا اننا نتميز فى حاجه بنحبها و نجود فيها...احنا هنا كلنا بنأثر و نتأثر...أرجو ان الهدف اللى انا متخيلاه يتحقق....اول كل شهر هنزل وصفه و هندخل نقراها و ننفذها و ننزل صورها على جروب خاص بالنادى على الفيس بوك...بس الشرط الوحيد ان الصور ما تنزلش قبل يوم 28 فى الشهر من 18 الى 30 او 31 هننزل الصور و اخر يوم هيتم التصويت ثم التحكيم على أفضل صوره...اداء و تصوير و تنفيذ و ابداع فى الفكرة و التقديم...الصوره الفايزة هتنزل هنا على البلوج مع الوصفه كل شهر مع نبذة عن الفايز بيحب ايه و هو مين الى اخره....لجنة التحكيم هتبقى 3 افراد...شيف احمد شندى باعتباره اول راجل ينضم للنادى و بعدين أنا و كمان فى شخصيه تالته محبوبه هعلن عنها بعد قليل....يالا بقه على الوصفه يا جدعان كفايه لت و عجن "لا مش كفايه...انتوا لسه شفتوا حاجه؟؟  :))"

المقادير:-

1 كوب زبدة بدرجة حراره الغرفه او ما يعادلها من وزن..250 جرام 

4 بيضات "حجم متوسط"

4 موز كبير او 6 صغير

نصف ملعقه صغيره فانيليا

1ملعقه صغيره بيكربونات

نصف كوب لبن رايب

كوب و نصف سكر

3 كوب دقيق متعدد الاغراض..مضاف له  2 ملعقه صغيره بيكنج باودر

المكونات كلها تكون بدرجة حرارة الغرفه

الوصفة:-

اضربوا الزبده مع السكر مع الفانيليا لحد ما تحصلوا على قوام كريمى...ضيفوا البيض بالتدريج...مع الضرب بين كل اضافه و اللى بعدها...اهرسوا الموز جيدا و ضيفوه مع مقدار اللبن و انخلوا الدقيق المضاف له البيكنج باودر و البيكنج صودا...و ابدأوا باضافه الدقيق بالتبادل مع اللبن و الموز  على ان تخلطوا جيدا بين كل اضافه و التانيه...بمعنى نزلت نص السائل مع الموز و بعدين نص الدقيق و اضرب و اكمل بالباقى....بس خلاص...تنفيذى للكيكة هنا كان تنفيذ قديم...هعملها معاكم تانى بتنفيذ جديد...أنا زينتها بكريمه و شرائح من جوز الهند المحمص و كمان رشة كاجو...شوفوا انتوا تحبوا تقدموها ازاى و حطوا لمستكم....عايزين نشوف الهمه....التحدى شكله سهل....بس عايزين نشوف ابداعكم فى السهل ايه :)))

الصورة:-

الفكره هى اننا هنفذ الوصفه بحذافيرها و نلعب فى التقديم زى ما احنا عايزين...فهمتوا قصدى ؟؟

About the author

 It is not that easy  guys to talk about your ownself specially in English...looool.

Ok I should start now or you are going to leave the blog and go and check "Facebook" ;))

I am chahira Daoud, a pastry chef, After finishing my hi school I did not go to a pastry school or even a culinary one, my passion for pastry arts started too early and thanks to my mother and mama Zouzou, they were both a source of inspiration for me, my mom...I do not forgive you ;) you just made me beileve from that early age that nothing can not be done at home, and she proved that to me thousands of times. ok let's continue, I studied Political and economics studies, had some training to start a great career in "human rights" field....hey man "human rights" in Egypt?? it is like talking about penguins in the gulf desert....I quited before even start.....and entered my kitchen and did not stop baking till now, God knows how much I prayed to stop but could not ...that is the fact...I started to work hard in that field, learning, studying working on my skills and talent, attending training courses several times and I still learn to improve my skills, Thanks to God, I have been chosen as a one of ten best chefs in middle east, I represented Egypt in top chef middle east program show, I represented my country At the world chefs tour against hunger and the mondial of sugar arts, and I am keeping going, try to catch the trend and the huge development in pastry arts and taking care of my family, I have two kids and married to the greatest man in this world...wait "my life is not perfect as you think"...looool

First time blogging....no of course not I am old, I have two blogs and I was used to post but life is too busy to keep posting, but I am starting over...and I'll keep posting .

This blog will host a challenge and a baking competition every month, so be ready for the action.

طيب ننزل بالترجمه العربى....صعب اوى حد يكتب عن نفسه بس مفيش غيرى هيكتب لانى اكيد انا اللى فاتحه الموقع ده..مين أنا انا شهيره داود...شيف حلوانى و ماكانش ده مجال دراستى دراستى الاساسيه هى الاقتصاد و العلوم السياسيه...زى كل شباب مصر الواعد اتخرجت و بدأت حياتى بالتدريب تمهيدا للعمل فى مجال حقوق الانسان.....ثانيه واحده كده.....حقوق ايه و انسان ايه احنا فى مصر يا جدعان...كلامنا عن حقوق الانسان فى مصر كحديثنا عن العنقاء و الغول او زى شفت جاموسه شايله ناموسه و بتعديها من تحت   الباب...أبقى انا كداب.....طيب سيبتهم و أغلقت الباب للأبد و دخلت المطبخ سنه 1997 و ماطلعتش لحد دلوقتى....طيب مين السبب...ارجع الفضل لأمى و ماما زوزو و دول كانوا اول مصدر الهام ليا و ماما منها لله فهمتنى ان مفيش حاجه مش ممكن ماتتعملش فى البيت.. و كانت القصه..بدأت اتمرنت اتعلمت اشتغلت كتيييييييير لحد دلوقتى بتعلم ...الحمد لله تم اختيارى كواحد من افضل عشر شيفات فى الشرق الاوسط مثلت بلدى فى توب شيف الشرق الاوسط و كمان شاركت فى عدة محافل دوليه....حلوة محافل دى...زى جولة طهاة العالم لمكافحة خطر المجاعات و كمان كاس العالم لفنون السكر و الحلوى.....و بحاول انسق بين حياتى مع انه صعب جداااا ده...أنا ام لطفلين و زوجه لسيد الرجال.....ههههه علشان مستحملنى..."حياتى مش ورديه زى ما متخيلين" فيها الكثير اللى يعكر المزاج" بس عايشين و بنحاول و بنقاوح....رغم انى انسانه سوبر مشغوله الا انى هبدأ هنا محاوله لكسر الجمود اللى فى حياتنا و المعاناة اللى عايشينها و احنا بنتابع اخبار وطننا المنهوب ...الضايع التايه...سموه زى ما تسموه...هنظم هنا تحدى خبز كل شهر ...يالا اجهزوا ورانا شغل كتير